|
|
Leiaren har ordet... 12/05/07 SALT I SÅRA... Foreininga er inne i ei fase der vi nærmast sitte i skyttargrava – på vent. Mange aktivitetar har vorte nedprioritert til fordel for den store utfordringa vi prøver å løyse. Skytebana på Grovastøylen og den seine framdrifta kring prosjektet, gjer at vi vert frustrerte og utolmodige. Det er så mykje både i rekrutteringsarbeidet, skytetrening, konkurransar vi gjerne skulle komme i gang med, men no vert hindra i – hadde vi berre hatt ei skytebane. Kommuneøkonomien er sjølvsagt ei barriere vi alle veit om, og til ein viss grad berre må akseptere. Likevel føler vi oss nedprioritert, og når skota frå skytebana i sentrum smell heile kveldane, er dette salt i såra som gjer oss forbanna… Det verkar som sentrumsbana gjev rom for å kunne trenere skyteanlegget på Grovastøylen, og dermed vert dette ei kvilepute som igjen forseinkar framdrifta. Dersom ikkje kommunen no vel å prioritere Grovastøylen og får ferdigstilt skyteanlegget der inne, kan dette få konsekvensar for jegerar generelt, og ikkje minst på sikt undergrave heile interesseorganisasjonen. Leiaren
|
 Leiarens hjørne
|
